काठमाडौं- स्पेनिस ला लिगा फुटबलमा रियल मड्रिडले फराकिलो जित निकालेको छ।
शनिबार राति भएको खेलमा रियलले ईबरमाथि ४-० को जित निकालेको हो।
रियलको जितमा करिम बेन्जिमाले दुई तथा कप्तान सर्जियो रामोस र भाल्भर्डेले एक-एक गोल गरे। खेलको १७ औं मिनेटमा बेन्जिमाले गोल गर्दै रियललाई अग्रता दिलाएका थिए। २० औं मिनेटमा रामोसले पेनाल्टीमार्फत गोल गर्दै रियलको अग्रता दोब्बर पारे। २९ औं मिनेटमा बेन्जिमाले पेनाल्टीमार्फत व्यक्तिगत दोस्रो गोल गर्दै रियललाई ३-० ले अघि बढाए।
दोस्रो हाफामा थप एक गोल गर्ने क्रममा खेलको ६१ औं मिनेटमा फेडरिको भाल्भर्डेले गोल गर्दै रियललाई ४-० को फराकिलो जित दिलाए।
जितपछि रियलले शीर्ष स्थानको बार्सिलोनासँग अंक बराबरी गरेको छ। दुवै टिमको २५ अंक भएको छ। तर, गोल अन्तरका आधारमा बार्सिलोना शीर्ष स्थानमा रहँदा रियल दोस्रो स्थानमा छ। इबर १५ अंकसहित तालिकाको १५ औ स्थानमा छ।
एजेन्सी