काठमाडौं- फ्रान्सेली लिन वन क्लब पेरिस सेन्ट जर्मेन (पीएसजी) च्याम्पियन्स लिग फुटबलको नकआउट चरणमा प्रवेश गरेको छ।
बुधबार राति भएको खेलमा ब्रुगिसलाई १-० गोलले पराजित गर्दै पीएसजी अन्तिम १६ मा प्रवेश गरेको हो।
पीएसजीको जितका लागि खेलको एक मात्र निर्णायक गोल मौरो इकार्डीले गरे। उनले खेलको २१ औं मिनेटमा गोल गर्दै पीएसजीलाई अग्रता दिलाएका थिए। दोस्रो हाफमा भने दुवै टोलीबाट थप गोल हुन नसक्दा खेल पीएसजीले जितेको हो।
पीएसजी स्टार फरवार्ड नेयमारबिना मैदान उत्रिएको थियो। उनी चोटका कारण केही समय मैदान बाहिर छन्।
जितसँगै समूह ‘ए’मा रहेको पीएसजी च्याम्पियन्स लिगमा शतप्रतिशत जित निकालेको छ। अबको खेलमा रियल मड्रिडलाई पराजित गर्न सके
पीएसजी समूह विजेताको रुपमा नकआउट चरणमा प्रवेश गर्ने छ।
पीएसजीले ४ खेलबाट १२ अंक जोडेको छ। ब्रुगिस २ अंकसहित तालिकाको तेस्रो स्थानमा छ।
एजेन्सी