ट्याक्टर पल्टिँदा तीन बालिकाको मृत्यु

दाङ- पिकनिक खाएर फर्कँदै गरेको ट्याक्टर दुर्घटना हुँदा  दाङमा तीन बालिकाको मृत्यु भएको छ।  शुक्रबार गढवा गाउँपालिका–५ चिसापानी भन्ने स्थानमा ट्याक्टर दुर्घटना भएको हो। दुर्घटनामा परी २३ जना घाइते भएका छन्। घाइते भएकामा चारको अवस्था गम्भीर रहेको छ। 

सामान्य घाइतेको लमही अस्पताल तथा स्वास्थ्य चौकी गढवामा उपचार भैरहेको छ। गम्भीर घाइतेलाई भने थप उपचारका लागि जिल्ला बाहिर पठाइएको जिल्ला प्रहरी कार्यालय दाङका प्रहरी नायव उपरीक्षक विनोद विक्रम शाहले जानकारी दिए।

रा १ त २३९३ नम्बरको ट्याक्टर पल्टिँदा मृत्यु हुनेमा गढवा गाउँपालिका ६ की ११ वर्षीया निनु पुन, १२ वर्षीया सीमा परियार र १२ वर्षीया सुनिता पुन मगर रहेका जिल्ला प्रहरी कार्यालयले जनाएको छ। 

शाहका अनुसार  ट्याक्टर तिव्र गतिमा रहेको र ओभरलोड भएका कारण  चालकले नियन्त्रण गर्न नसक्दा दुर्घटना भएको हो।