धनगढी- अछाममा लक्ष्मी पुजाको दिन बालेको मैनबत्तीबाट घरमा आगलागी हुँदा धनमाल जलेर नष्ट भएको छ।
जिल्लाको चौरपाटी गाउँपालिका–५ लुंग्रास्थित गगन खड्काको घरमा आगलागी हुँदा ४ लाख २५ हजार नगद र २ तोला सुन जलेर नष्ट भएको छ।
खड्काका अनुसार राति दीपावली गर्न प्लास्टिकको बाकस (अटेजी) मा मैनबत्ती बाल्दा उक्त मैनबत्तीबाट आगो लागेको हो। ४ लाख २५ हजार बराबर नगद रुपैंया र एक तोला सुन जलेर नष्ट भएको हो।
आगलागी बाट अन्य दुई वटा बाकस, लत्ता कपडा, दुई तोला सुन, कागजपत्र लगायतका सामान जलेर नष्ट भएको उनले जानकारी दिए।
प्रकाशित: Dec 31, 2017| 18:23 आइतबार, पुस १६, २०७४