काठमाडौं- नेपाल टेलिभिजनबाट प्रशारण हुने डान्स रियालिटी सो ‘छमछमी सिजन ४’ को उपाधि हेटौँडाकी सन्ध्या आचार्यले जितेकी छन्।
शनिबार साँझ काठमाडौंमा भएको ‘ग्रान्ड फिनाले’मा उत्कृष्ट पाँच प्रतिष्पर्धीलाई पछि पार्दै उनले उपाधि जितेकी हुन्।
उपाधिसँगै उनले अल्टो के-१० गाडी पाइन्। सञ्चार तथा सूचना प्रविधिमन्त्री गोकुलप्रसाद बाँस्कोटाले उनलाई गाडीको चाबी हस्तान्तरण गरे।
प्रतिष्पर्धामा महोत्तरीका नेसन सुश्लिङ मगरले फस्ट रनरअप हुँदै नगद पाँच लाख रूपैयाँ पाए। यस्तै, झापाकी दिलमाया लिम्बूले सेकेन्ड रनरअप हुँदै नगद तीन लाख रूपैयाँ हात पारिन्।
२०७५ कात्तिक १७ गते सुरु भएको प्रतियोगितामा देशका सातवटै प्रदेशका ११ स्थानमा अडिसन राउन्ड गरिएको थियो।
प्रकाशित: Dec 31, 2017| 18:23 आइतबार, पुस १६, २०७४