सव-ईन्जिनियर र एक्सकाभेटर चालक घुससहित नियन्त्रणमा 

 
काठमाडौं- प्रदेश नम्बर ५ बुटवलमा कार्यरत सव–ईन्जिनियर सन्दीप पौडेल र एक्सकाभेटर चालक विक्रम बस्नेतलाई अख्तियार दुरुपयोग अनुसन्धान आयोगको टोलीले घुस रकमसहित नियन्त्रणमा लिएको छ।

विद्यालयको भवन निर्माण कार्यको अन्तिम किस्तावापतको रकम निकासा गर्ने क्रममा सेवाग्राहीबाट लिएको एक लाख २० हजार घुससहित उनीहरुलाई रंगेहात पक्राउ गरेको अख्तियारले जनाएको छ।

पौडेलले सेवाग्राहीसँग पटक–पटक घुस मागेर हैरान बनाएको भन्ने सूचनाका आधारमा दुई जनालाई शुक्रबार नियन्त्रण्मा लिएको अख्तियारका प्रवक्ता प्रदीप कुमार कोइरालाले जानकारी दिए। 

बस्नेतले घुस लिन मतियारको रुपमा काम गरेको आयोगले जनाएको छ। पौडेल करार सेवाका कर्मचारी हुन्। थप अनुसन्धान भैरहेको आयोगले जनाएको छ।