कात्तिक १८ देखि अनशन बस्ने डा. गोविन्द केसीको चेतावनी 

काठमाडौं- चिकित्सा शिक्षा सुधारको माग राखी लामो समयदेखि संघर्षरत प्रा.डा.गोविन्द केसीले कात्तिक १८ गतेदेखि १७ औं अनशन बस्ने चेतावनी दिएका छन्।  

सरकारले आफूसँग गरेका सहमति पालना नगरेको भन्दै उनले अनशन बस्ने चेतावनी दिएका हुन्। उनले सरकारलाई आफ्ना माग पूरा गर्न कात्तिक ८ गते (आज)सम्मको अल्टिमेटम दिएका थिए। 

उनले यसअघि कात्तिक १३ देखि अनशन बस्ने बताएकोमा तिहारलाई मध्यनजर गर्दै ५ दिन पर सारेका हुन्।  

आफ्ना माग पूरा गराउन उनी १६ पटक अनशन बसिसकेका छन्।