मंगलबार, माघ ७, २०७६

समाचार खेलकुद

दस खेलाडीमा समेटिएको आर्मीलाई संकटाले बराबरीमा रोक्यो

दस खेलाडीमा समेटिएको आर्मीलाई संकटाले बराबरीमा रोक्यो
फाइल तस्बिर

काठमाडौं - सहिद स्मारक 'ए' डिभिजन लिग फुटबलमा त्रिभुवन आर्मी क्लब र संकटा क्लबले बराबरी खेलेका छन्। त्रिपुरेश्वरस्थित दशरथ रंगशालामा मंगलबार सम्पन्न खेलमा आर्मी र संकटाले १-१ गोलको बराबरी खेलेका हुन्।

पहिलो हाफमा लिएको अग्रता जोगाउन नसक्दा आर्मी संकटासँग अंक बाड्न बाध्य भयो। खेलको २९ औं मिनेटमा नवयुग श्रेष्ठले गोल गर्दै आर्मीलाई अग्रता दिलाए पनि ५५ औं मिनेटमा अमित तामाङले पेनाल्टीमार्फत गोल गर्दै संकटालाई बराबरीमा ल्याए। खेलको ५२ औं मिनेटमा आर्मी १० खेलाडीमा समेटिएको थियो। युद्ध शाही रातो कार्ड पाउँदै मैदान बाहिरिँदा त्यसको फाइदा संकटाले उठाउँदै बराबरी गोल फर्काउन सफल भयो।

आर्मीका जर्ज प्रिन्स कार्की म्यान अफ दि म्याच चुनिए। दोस्रो स्थानको आर्मीले ६ खेलमा १३ अंक जोडेको छ। संकटाले समान खेलमा ८ अंक जोडेको छ। संकटा आठौं स्थानमा रहेको छ। मछिन्द्र क्लब लिगको शीर्ष स्थानमा रहेको छ।

प्रतिक्रिया दिनुहोस्