कांग्रेस पदाधिकारी बैठक: नेकपासँगको छलफल बारे जानकारी दिइँदै

काठमाडौं- प्रमुख प्रतिपक्षी दल नेपाली कांग्रेसको पदाधिकारी बैठक पार्टी कार्यालय सानेपामा सुरु भएको छ।

बैठकमा द्वन्द्वकालीन मुद्दा समाधान गर्न गठित आयोगका पदाधिकारी र विधेयकका विषयमा सत्तारुढ नेकपासँग भएको छलफल बारे जानकारी दिइदैछ।

सभापति शेरबहादुर देउवाले नेकपासँग भएको छलफल र प्रस्तावहरुको विषयमा जानकारी गराउने कार्यक्रम रहेको प्रवक्ता विश्वप्रकाश शर्माले जानकारी दिए।

यसैगरी, विहीबारबाट सुरु हुने कांग्रेसको केन्द्रीय समिति बैठकका अजेण्डाहरुका विषयमा पनि छलफल हुने शर्माले बताए ।

बैठकमा भातृ संगठन, केन्द्रीय विभागका पदाधिकारीहरुको बाँडफाँडलगायतका विषयमा छलफल हुनेछ।

बैठकमा सभापति देउवा, वरिष्ठ नेता रामचन्द्र पौडेल, उपसभापतिद्वय विमलेन्द्र निधि र विजयकुमार गच्छदार, महामन्त्री पूवर्णबहादुर खड्कालगायत सहभागी छन्।