टर्कीसँग सम्बन्ध बिग्रिएपछि मोदीको भ्रमण स्थगित

काठमाडौं- मध्यपूर्व तथा पूर्वी युरोपेली क्षेत्रको शक्तिशाली मुलुक टर्कीसँग भारतको सम्बन्ध बिग्रिएको छ।

टर्की पाकिस्तानसँग नजिकिएसँगै भारत–टर्की सम्बन्धमा खटपट देखिएको हो।

यससँगै भारतीय प्रधानमन्त्री नरेन्द्र मोदीले टर्की भ्रमण स्थगित गरेका छन्। टर्की अनपेक्षित रूपमा पाकिस्तानसँग नजिकिएपछि प्रधानमन्त्री मोदीले भ्रमण स्थगित गरेको भारतीय विदेश मन्त्रालयले जनाएको छ।

जम्मू-कश्मिर प्रकरणमा टर्कीले पाकिस्तानको साथ दिएपछि सम्बन्ध बिग्रिएको अन्तर्राष्ट्रिय सञ्चार माध्यमले जनाएका छन्। अन्तर्राष्ट्रिय सञ्चार माध्यमका अनुसार केही समयअघि संयुक्त राष्ट्र सभामा टर्कीका राष्ट्रपति रिसेप ताइप एर्दाेआनले जम्मूऔकश्मिर प्रकरणमा पाकिस्तानलाई समर्थन दिने खालको अभिव्यक्ति दिएका थिए । यस्तै, हालसालै पेरिसमा सम्पन्न फाइनान्सियल एक्सन टास्क फोर्स बैठकमा पनि टर्कीले पाकिस्तानको समर्थन गरेको थियो। 

भारत-टर्की सम्बन्ध बिग्रिएसँगै द्विपक्षीय व्यापार प्रभावित हुने भएको छ। यी दुई देशबीच वार्षिक झन्डै ८० लाख अमेरिकी डलरको कारोबार हुने गरेको छ।

भारतले जम्मू-कश्मिरलाई केन्द्रको अधीनमा ल्याएपछि पाकिस्तानले यसमा असहमति जनाएको छ। उसले यस मामलामा आफूलाई सहयोग गर्न विभिन्न देशसँग आग्रह पनि गर्दै आएको छ।

टर्की र भारतबीच सन् १९४८ देखि औपचारिकरूपमा कूटनीतिक सम्बन्ध स्थापना भएको थियो।