समाचार

सुदूरपश्चिम : एम्बुलेन्स खरिद प्रकरणबारे लेखा समितिको चासाे

1578759218Ambulance.jpg

धनगढी– सुदूरपश्चिम प्रदेशको सामाजिक विकास मन्त्रालयले एम्बुलेन्स खरिदमा अनियमितता गरेको समाचार सार्वजनिक भएपछि प्रदेशसभाको लेखा समितिले यसबारे चासो देखाएको छ।

NLG Insurance
agrakhi
Yeti parketing

लेखा समितिले मन्त्रालयबाट एम्बुलेन्स खरिदको फाइल मगाएर त्यसको अध्ययन थालेको हो।

समिति संयोजक एवं सांसद् नन्दाकुमारी बमले एम्बुलेन्स खरिदमा अनियमितता भएको समाचार सार्वजनिक भएपछि सामाजिक विकास मन्त्रालयबाट एम्बुलेन्स खरिद फाइल मगाएर छानबिन गरिरहेको बताइन्।

यसअघि गत बुधबार मुख्यमन्त्री त्रिलोचन भट्टले सामाजिक विकासमन्त्री कृष्णप्रसाद सुवेदीसँग एम्बुलेन्स खरिदबारे जानकारी लिएका थिए। सो क्रममा मन्त्री सुवेदीले एम्बुलेन्समा अनियमितता नभएको बताएको स्रोतले जनाएको छ।

मन्त्रालयले गत कात्तिक २० गते सुदूरपश्चिम प्रदेशका १६ स्वास्थ्यसंस्थालाई टाटा एसएफसी ४०७ मिनी ट्रक मोडलको एक–एक एम्बुलेन्स वितरण गरेको थियो। मन्त्रालयले उक्त एम्बुलेन्स खरिदमा ६ करोड ३५ लाख २० हजार रूपैयाँ (प्रति एम्बुलेन्स ३९ लाख रूपैयाँभन्दा बढी) खर्च गरेको छ।

प्रतिक्रिया दिनुहोस्