काठमाडौं– इन्डियन टिमका खेलाडी क्रुणाल पाण्ड्यालाई कोभिड–१९ पोजेटिभ देखिएपछि जारी इन्डिया श्रीलंका सिरिजको दोस्रो खेल एक दिनका लागि स्थगित भएको छ।
जारी टी–२० सिरिजको दोस्रो खेलअघि गरिएको परीक्षणमा पाण्ड्यालाई कोभिड देखिएपछि आज साँझको खेल भोलि बुधबारसम्मका लागि स्थगित गरिएको हो।
स्थानीय समयअनुसार ८ बजेबाट खेल सुरु हुनुभन्दा केही समय अघिमात्र पाण्ड्याको रिजल्ट पोजेटिभ देखिएको हो।
पछिल्लो समयटिमका अन्य आठ खेलाडी उनको सम्पर्कमा आएका छन्। पाण्ड्यासँग सम्पर्कमा आएका खेलाडीलाई पनि आइसोलेसनमा राखिएको छ। यससँगै अब सबै खेलाडीको पुनः टेस्ट हुनेछ।
अहिलेसम्मको तालिका अनुसार अब दोस्रो र तेस्रो टेस्ट बुधबार र विहीबार हुनेछ।