काठमाडौं - जनकपुर विमानस्थलमा रहेको बुद्ध एयरको काउन्टर तोडफोड गरेको आरोपमा पक्राउ परेका राजपा सांसद प्रमोदकुमार साह साधारण तारेखमा रिहा भएका छन्।
जिल्ला अदालत धनुषाका न्यायाधीश तेजनारायण पौडेलको इजलासले सांसद साहलाई साधारण तारेखमा रिहा गर्न आदेश दिएको हो।
मंगलबार काठमाडौं विमानस्थलबाट पक्राउ परेका साहलाई धनुषा प्रहरीले बुधबार बिहान अदालतमा उपस्थित गराई घटनाको अनुसन्धानका लागि चारदिन थुनामा राख्ने अनुमति लिएको थियो ।
विमान ढिलो भएको भन्दै सांसद साहले सोमबार जनकपुर विमानस्थलस्थित बुद्ध एयरको चेकइन काउन्टरमा तोडफोड गरेका थिए।
प्रकाशित: Dec 31, 2017| 18:23 आइतबार, पुस १६, २०७४