स्वीडेनसँग बराबरी खेल्दै स्पेन युरोकपमा छानियो 

एजेन्सी- स्पेन युरोकप २०२० का लागि छनोट भएको छ।

मंगलबार राति भएको खेलमा स्वीडेनसँग १–१ गोलको बराबरीमा खेल्दै स्पेन समूह ‘एफ’ मा शीर्षस्थानमा रहँदै युरोकपमा छनोट हुन सफल भएको हो।

सुरुवती अग्रता भने स्वीडेनले लिएको थियो। पहिलो हाफ बराबरीमा सकिएको खेलको दोस्रो हाफको सुरुवातमै स्वीडेनले खेलमा अग्रता लिएको हो। 

खेलको ५० औँ मिनेटमा मार्कुस वर्गले गोल गर्दै स्वीडेनलाई अग्रता दिलाए। तर खेलको इन्जुरी समयमा स्पेनले बराबरी गोल फर्कायो। स्पेनका लागि रोड्रिगोले गोल गर्दै सम्भावित हार टारेका थिए। बराबरीपछि स्पेनको ८ खेलबाट २० अंक पुगेको छ। 

स्वीडेन १५ अंक जोडेर दोस्रो स्थानमा रहँदै छनोट नजिक छ। यही समूहको अर्को खेलमा रोमानिया र नर्वेले पनि १(१ गोलको बराबरी खेल्दै अंक बाँडेका छन्। रोमानिया १४ अंक जोडेर तेस्रो तथा ११ अंक जोडेको नर्वे चौथो स्थानमा छ।