काठमाडौं- माछापुच्छ्रे बैंक लिमिटेडको २१ औँं वार्षिक साधारण सभा सम्पन्न भएको छ।
पोखराको होटल पोखरा ग्राण्डमा सम्पन्न साधारण सभाले बैंकको आर्थिक वर्ष २०७५/७६ को वार्षिक प्रतिवेदन पारित गरेको छ।
यस्तै, साधारणसभाले शेयरधनीलाई चुक्तापूँजीको १६ प्रतिशत लाभांश वितरण गर्ने प्रस्तावसमेत पारित गरेको छ। जसमध्ये ११ प्रतिशत नगद र ५ प्रतिशत बोनस लाभांश (बोनस एवम् नगद लाभांशमा लाग्ने करसहित) प्रदान गर्ने बैंकले जनाएको छ। साधारणसभाले अन्य ‘उपयुक्त’ बैंक तथा वित्तीय संस्थासँग गाभ्न÷गाभिनेसम्बन्धी कार्यको लागि संचालक समितिलाई अख्तियारी प्रदान गर्ने निर्णयसमेत गरेको छ।
बैंकले गत आर्थिक वर्षमा १ अर्ब ६९ करोड ७० लाख रूपैयाँ खुदनाफा गरेर प्रतिशेयर आम्दानी २१ रूपैयाँ ७ पैसा कायम गरेको थियो। बैंकको चुक्तापूँजी ८ अर्ब ५ करोड रूपैयाँ तथा साधारण जगेडा कोषमा २ अर्ब ४५ करोड रूपैयाँ संचित छ।
बैंकले देशभर १४० शाखा र १३० शाखारहित बैंकिङ सेवा सञ्चालन गरेको जनाएको छ। यस्तै, बैंकका देशभर १६२ एटिएम संचालनमा छन्।
प्रकाशित: Dec 31, 2017| 18:23 आइतबार, पुस १६, २०७४