काठमाडौं- नेपालीको प्रमुख चाड दसैं मनाउन उपत्यकाबाट झण्डै २४ लाख मानिस घर फर्किएका छन्।
महानगरीय ट्राफिक प्रहरी महाशाखाका अनुसार असोज ५ गतेदेखि शनिबार साँझसम्म २३ लाख ८४ हजार ९३१ जना उपत्यकाबाट बाहिरिएका छन्। यो अवधिमा १० लाख ४६ हजार ७४१ जना उपत्यका भित्रिएका छन्।
महाशाखाका अनुसार शनिबार सबैभन्दा बढी तीन लाख ४५ हजार मानिस काठमाडौंबाट बाहिरिएका छन्। त्यस्तै ५४ हजार आठ सय गाडी पनि बाहिरिएका छन्।
चहलपहल घट्यो दसैं मनाउन सर्वसाधारण घर फर्किएसँगै उपत्यकामा मानिसको चहलपहल घटेको छ। काठमाडौंका सडकमा गुड्ने गाडीहरू पनि पातलिएका छन्। सडकमा सीमित गाडी मात्रै गुडेको महाशाखाले जनाएको छ।
प्रकाशित: Dec 31, 2017| 18:23 आइतबार, पुस १६, २०७४