लमजुङ- बेंसीसहर-चामे सडक अन्तर्गत लमजुङको मर्स्याङदी गाउँपालिका–४, स्याँगेमा पहिरोले स्करपियो जीप पुरेको छ ।
काठमाडौंबाट मनाङ घुम्न यात्रु लिएर आएको बा१६च ५०६८ नं को स्करपियोलाई शनिबार बेलुका पहिरोले पुरेको हो । पहिरोले सवारी साधनमा क्षति पुर्याए पनि यात्रु भने भाग्न सफल भएको प्रहरीले जनाएको छ ।
पहिरोबाट आएको ढुंगाले गाडी थिचिएको यात्रु सिसा फोडेर भाग्न सफल भएको प्रहरीले बताएको छ । गाडीमा चालकसहित ५ जनाको टोली सवार थियो ।
स्याँगेको दुईवटा बजारको बीचतिर पर्ने माथिल्लो घुम्तीमा पहिरो जाँदा सडकसमेत अवरुद्ध भएको स्थानीयले बताएका छन् ।
पहिरोले सडक अवरुद्ध भएको र पहिरो पन्छाउने तयारी भइरहेको प्रहरीले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४