माधव नेपाल निकट अनेरास्ववियुले अखिल फोर्सको राष्ट्रिय भेला आयोजना गर्दै

काठमाडौं- नेकपा एमालेका वरिष्ठ नेता माधवकुमार नेपाल निकट विद्यार्थी संगठन अनेरास्ववियुले अखिल फोर्सको राष्ट्रिय भेला आयोजना गर्ने भएको छ। 

नेपाल निकट अनेरास्ववियुकी महासचिव आरती लामाले शनिबार राष्ट्रिय भेला आयोजना गरिएको जानकारी दिइन्। बबरमहलस्थित कार्की ब्याङक्वेटमा आयोजना गरिएको भेलालाई एमाले वरिष्ठ नेता माधवकुमार नेपालले सम्बोधन गर्ने कार्यक्रम रहेको छ।

भेलाको तयारीस्वरुप बिहीबार उपत्यकास्तरीय विशेष भेला आयोजना गरिएको छ। पार्टी अध्यक्ष केपीशर्मा ओली निकट युवा संघले युथ फोर्स गठन गरेपछि त्यसलाई काउन्टर दिन भन्दै माधव नेपालको विद्यार्थी संगठनले अखिल फोर्स गठन गरेको थियो।