काठमाडौं- सत्तारुढ नेपाल कम्युनिस्ट पार्टी (नेकपा) र चिनियाँ कम्युनिस्ट पाटी (सीपीसी)बीच भाइचारा सम्बन्ध स्थापित भएको छ।
मंगलबार नेकपा र सीसीपीका नेताहरूबीच काठमाडौंमा जारी विचार आदानप्रदान कार्यक्रमको दोस्रो दिन सहयोग तथा भाइचारा सम्बन्ध स्थापित गर्ने सहमतिपत्रमा हस्ताक्षर भएको छ।
नागपोखरीस्थित मेरियट होटलमा आयोजित कार्यक्रममा नेकपाका विदेश विभाग प्रमुख माधवकुमार नेपाल र चिनियाँ कम्युनिष्ट पार्टीका विदेश विभाग प्रमुख सोङ ताओले सहमतिपत्रमा हस्ताक्षर गरेको नेकपामा विदेश विभागका उपप्रमुख विष्णु रिजालले जानकारी दिए।
कार्यक्रममा नेकपाका अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’समेत उपस्थित थिए।
प्रकाशित: Dec 31, 2017| 18:23 आइतबार, पुस १६, २०७४