पिपिएल कार्तिक तेस्रो सातबाट

काठमाडौं– दोस्रो संस्करणको पोखरा प्रिमियर लिग (पिपिएल) टी–२० क्रिकेट प्रतियोगिता कार्तिक तेस्रो साताबाट सुरु हुने भएको छ। आयोजक क्विन्स इभेन्ट्स म्यानेजमेन्टले मंगलबार प्रेस विज्ञप्ति जारी गर्दै प्रतियोगिता कात्तिक तेस्रो साताबाट सुरु हुने जनकारी दिएको हो।

प्रतियोगिता कात्तिक २६ गतेदेखी मंसिर ७ गतेसम्म पोखरा क्रिकेट रंगशालामा आयोजना हुनेछ। प्रतियोगितामा ६ टोलीको सहभागिता रहने छ। सहभागी टोलीमा पोखरा पल्टन, विराटनगर टाईटन्स, बुटवल ब्लास्टर, चितवन राईनोज, एक्स्पर्ट धनगढी ब्लुज र काठमाडौं रोयल्स रहेका छन्।
 
पिपिएलको पहिलो संस्करणको उपाधि पोखरा पल्टनले जितेको थियो। पहिलो संस्करणमा विजेता टोलीले २७ लाख प्राप्त गरेको थियो भने उपविजेता टोली चितवन राईनोजले १० लाख प्राप्त गरेको थियो। यस संस्करणको पुरस्कार रकम भने खुलाइएको छैन।