एकअर्काको रेकर्ड तोड्ने दाउमा भारत र दक्षिण अफ्रीका

काठमाडौं – टी–२० अन्तर्राष्ट्रिय क्रिकेटमा भारत र दक्षिण अफ्रीकाबीच प्रतिस्पर्धाको लामो लिस्ट छैन्। दुबै टोलीबीच हालसम्म १३ टी–२० अन्तर्राष्ट्रिय खेल भएका छन्।

जसमा भारतले ८ पटक जित निकालेको छ भने दक्षिण अफ्रीका ५ पटक भारतविरुद्ध विजयी भएको छ। त्यस्तै दुई खेल स्थगित भएका छन्। तर, भारतले आफ्नो भुमिमा टी–२० अन्तर्राष्ट्रियमा दक्षिण अफ्रीकालाई पराजित गर्न सकेको छैन्। 

दुबै टोलीले भारतमा हालसम्म दुई खेलमा प्रतिस्पर्धा गरेका छन्। ती दुबै खेल दक्षिण अफ्रीकाले जितेको छ। तर, २०१५ मा भारतको कोलकाता र २०१९ मा धर्मशालामा तय भएका दुई खेल स्थगित भएका थिए। 

२ अक्टोबर २०१५ मा भएको खेलमा दक्षिण अफ्रीकाले भारतलाई ७ विकेटले पराजित गर्दा ५ अक्टोबरमा भएको खेलमा भारत ६ विकेटले पराजित भएको थियो। 

यतिबेला भारत भ्रमणमा रहेको दक्षिण अफ्रीकाले बुधबार टी–२० सिरिज अन्तर्गत दोस्रो खेल खेल्दै छ। उक्त खेल मोहालीस्थित पिसिए आइएस बिन्द्र स्टेडियममा हुँदैछ। यस मैदनमा भारतले हालसम्म कुनै खेल गुमाएको छैन्।

 २००९ देखी २०१६ सम्म भारतले यस मैदानमा दुई खेल खेल्दा दुबै खेल जितेको रेकर्ड छ। दक्षिण अफ्रीकाले यस मैदानमा पहिलो पटक भारतको सामना गर्दैछ। यी दुई राष्ट्रबीचको पहिलो टी–२० खेल वर्षाका कारण स्थगित भएको थियो।