काठमाडौं– सत्तारुढ समाजवादी पार्टीले निर्वाचन आयोगसँग चुनाव चिह्न ‘पन्जा’ माग गरेको छ।
उपेन्द्र यादव नेतृत्वको संघीय समाजवादी फोरम नेपाल र डा.बाबुराम भट्टराई नेतृत्वको नयाँ शक्ति पार्टी नेपालबीच एकीकरण भए पनि चुनाव चिह्नका विषयमा सहमति भएको थिएन।
फोरम पक्षधरले मसाल र नयाँ शक्ति पक्षधरले अन्य कुनै चुनाव चिह्न प्रस्ताव गर्दै आएका थिए। सहमति जुट्न नसक्दा निर्वाचन आयोगमा चुनाव चिह्न सिफारिस हुन सकेको थिएन।
भदौ २९ गते बसेको समाजवादी पार्टीको बैठकको निर्णयअनुसार सोमबार निर्वाचन आयोगलाई चुनाव चिह्न पन्जाका विषयमा पत्र पठाइएको समाजवादीका केन्द्रीय प्रचार विभाग प्रमुख प्रशान्त सिंहले जानकारी दिए।
यसअघि पन्जा गजेन्द्रनारायण सिंह नेतृत्वको सदभावना पार्टीको चुनाव चिह्न थियो। सदभावना पार्टीको पन्जा चुनाव चिह्न मधेशमा निकै चर्चित छ। भारतीय कांग्रेसको पनि चुनाव चिह्न पन्जा नै हो ।
प्रकाशित: Dec 31, 2017| 18:23 आइतबार, पुस १६, २०७४