काठमाडौं- जापानमा एक नेपालीको मृत्यु भएको छ।
मृत्यु हुनेमा बागलुङको गलकोट नगरपालिका-७, मल्मका ४१ वर्षीय गंगा थापा छन्। कमलपित्त रोगबाट पीडित थापाको जापानको सिन्जुकुस्थित अस्पतालमा उपचारका क्रममा सोमबार मृत्यु भएको गैरआवासीय नेपाली सङ्घ जापानका सदस्य शिबु थापाले जानकारी दिए।
दुई साताअघि रेस्टुराँमा काम गरिरहेका बेला बेहोस भएपछि उनलाई अस्पताल भर्ना गरिएको थियो। थापा १४ वर्षअघि रोजगारीका सिलसिलामा त्यहाँ पुगेका थिए।
उनको अन्तिम संस्कार बुधबार जापानमै गरिने भएको छ। उनका श्रीमती, एक छोरा र एक छोरी छन्।
प्रकाशित: Dec 31, 2017| 18:23 आइतबार, पुस १६, २०७४