प्रदेश २ मा मन्त्रीहरूको जिम्मेवारी हेरफेर, कसले पाए कुन मन्त्रालय?

जनकपुरधाम- प्रदेश २ मा मन्त्रीहरूको जिम्मेवारी हेरफेर गरिएको छ। प्रदेश २ को मुख्यमन्त्री तथा मन्त्रिपरिषद् कार्यालयले अर्थ मन्त्रालय र भूमि व्यवस्था कृषि तथा सहकारी मन्त्रालयको जिम्मेवारी हेरफेर गरेको हो। 

मुख्यमन्त्री लालबाबु राउतले अर्थ मन्त्रालयको जिम्मेवारी शैलेन्द्र साहलाई दिएका छन् भने भूमि व्यवस्था, कृषि तथा सहकारी मन्त्रालयको जिम्मेवारी विजय यादवलाई दिइएका छन्। 

साहले आफूलाई भूमिव्यवस्था कृषि तथा सहकारी मन्त्रालयबाट हटाएर अर्थ मन्त्रालयको जिम्मेवारी दिइएको पत्र प्राप्त भएको बताएका छन्। 

उता अर्थ मन्त्रालय सम्हाल्दै आएका मन्त्री यादवलाई भूमि व्यवस्था कृषि तथा सहकारी मन्त्रालयको जिम्मेबारी दिइएको छ।