बाँके- नेपालगन्ज विमानस्थलमा शनिबार बेलुका एक घन्टा विमान कुराएको भन्दै संस्कृति, पर्यटन तथा नागरिक उड्डयनमन्त्री योगेश भट्टराईमाथि यात्रुले गालीगलौच गरेका छन् ।
विमानमा रहेका यात्रुले भिडियो बनाएर मन्त्री भट्टराईमाथि गालीगलौच गरेका हुन् । उक्त भिडियो अहिले सामाजिक सञ्जालमा भाइरल बनेको छ ।
“समयको ख्याल गर्नुपर्छ कि पर्दैन ? कहिले प्रधानमन्त्री आउने ढिला गरिदिने, कहिले मन्त्रीले ढिला गरिदिने, तपाईंले यसको जवाफ दिनुपर्छ,” भिडियोमा भनिएको छ ।
तर, पर्यटनमन्त्री भट्टराईले भने निर्धारित समयभन्दा १५ मिनेट मात्रै ढिला उडान भएको दाबी गरेका छन् ।
डल्फिन महोत्सव उद्घाटन गर्न कैलाली पुगेका पर्यटनमन्त्री भट्टराई शनिबार बेलुका नेपालगन्जबाट बुद्ध एयरको विमानमा काठमाडौं फर्किएका हुन् ।
प्रकाशित: Dec 31, 2017| 18:23 आइतबार, पुस १६, २०७४