काठमाडौं- वैशाख अन्तिम साता सुनसरीको धरानमा देखिएको डेंगुको संक्रमण अहिले देशका ५६ जिल्लामा फैलिएको छ ।
स्वास्थ्य सेवा विभागको इपिडिमियोलाजी तथा रोग नियन्त्रण महाशाखाका अनुसार अहिलेसम्म डेंगुको संक्रमणबाट ६ जनाको ज्यान गइसकेको छ भने ५ हजार ९५ संक्रमित भएका छन् । महाशाखाका अनुसार डेंगुबाट अहिलेसम्म सुनसरी, डोटी, कपिलवस्तु, सिन्धुपाल्चोक र चितवनका ६ जनाले ज्यान गुमाएका छन् ।
इपिडिमियोलोजी तथा रोग नियन्त्रण महाशाखाका निर्देशक विवेक कुमार लाल डेंगु नियन्त्रण चुनौतीपूर्ण रहेको बताउँछन् । ‘आम मानिसको लापरवाहीले गर्दा डेंगु फैलिरहेको छ,’ उनले भने ।
डेंगुबारे जनचेतना फैलाए पनि आम मानिसले बेवास्ता गर्दा प्रभावकारी हुन नसकेको उनको भनाइ छ ।
डेंगु नियन्त्रणमा साढे ९ करोड सरकारले चालू आर्थिक वर्षमा डेंगु नियन्त्रणका लागि साढे ९ करोड विनियोजन गरेको छ । सरकारले केन्द्र, प्रदेश र स्थानीय सरकारका लागि ९ करोड ५४ लाख बजेट विनियोजन गरेको छ ।
इपिडिमियोलोजी तथा रोग नियन्त्रण महाशाखामा १ करोड ८० लाख, सात वटा प्रदेशमा ६ करोड १७ लाख र स्थानीय तहमा १ करोड ६७ लाख विनियोजन गरिएको हो ।लामखुट्टेको लार्भा नष्ट गर्न, सचेतना कार्यक्रम सञ्चालन गर्न तथा बिरामीको उपचार गर्न बजेट विनियोजन गरिएको बताइएको छ ।
प्रकाशित: Dec 31, 2017| 18:23 आइतबार, पुस १६, २०७४