आइतबार, चैत २३, २०७६

विचित्र दुनिया

दुलाहा दुलहीलाई प्याजकै माला, प्याज नै उपहार

1576313353Pyajjj.jpg

एजेन्सी- दक्षिण एसियाली मुलुकहरुमा प्याजको भाउ बढीरहेका बेला प्याजबारे अनेक किस्साहरु बन्दैछन्। प्याजको भाउ अब किस्सामा मात्रै सिमित रहेन।

भारतको वाराणसीमा एउटा बिहेमा दुलाहा दुलहीले प्याजकै बरमाला पहिर्याएका छन्।

बिहेको दिन वर–वधुले फरो लिँदै एकअर्काको गलामा प्याज र लसुनको माला लगाइदिएका हुन्।

त्यस्तै बिहेमा उपस्थित भएका आफन्तहरुले दुलाहा दुलहीलाई प्याज नै उपहार दिएका छन्।

समाजवादी पार्टीका स्थानीय नेता कमल पटेलले प्याजको मूल्य यसबेला आकाश छुने गरी महंगिएको बताए। एक महिनादेखि प्याजको मूल्य सुनको जस्तै बढिरहेको छ।

यसरी प्याजको मूल्य दिनदिनै बढ्दा पनि सरकारले यसबारे चासो नदिएको भन्दै विहेमा पनि प्याज नै उपहार दिएर प्रतिकात्मकरुपमा विरोध जनाइएको उनले बताए।

ती नेताले नव दम्पतीका लागि यो ऐतिहासिक अवसर भएकोसमेत बताए।

प्रतिक्रिया दिनुहोस्