काठमाडौं- शिक्षक सेवा आयोगले दुई जिल्लाका प्रावि शिक्षकको लिखित नतिजा सार्वजनिक गरेको छ ।
आयोगले पहिलो चरणमा बुधबार सुदूरपश्चिमका बैतडी र दार्चुलाको नतिजा सार्वजनिक गरेको हो ।
आयोगले एकै पटक दरखास्त आह्वान गरेका निमावि र मावि तहका शिक्षक छनोट भए पनि प्रावि तहको नतिजा सार्वजनिक गर्न केही ढिला भएको हो ।
धेरै व्यक्तिको विवरण रुजु गर्नुपर्ने भएकाले नतिजा सार्वजनिक गर्न समय लागेको आयोगले जनाएको छ ।
आयोगले प्रावि तहमा ९ हजार ९ सय ९६ दरबन्दीका लागि विज्ञापन आह्वान गरेको थियो । उक्त दरबन्दीका लागि १४ हजार १ सय २५ परीक्षार्थी लिखित परीक्षामा छनोट भएको आयोगले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४