एजेन्सी- अष्ट्रेलिया र इंग्ल्यान्डबीच बुधबार भएको एशेज सिरिजको चौथो खेलमा एक अनौठौ विषय देख्न पाइएको छ। उक्त खेलमा अष्ट्रेलियाले विकेटमाथीको बेल विना मैदानमा ब्याटिङ गरिरहेको देखिएको थियो।
यतिबेला सामाजिक सञ्जालमा विना बेलको खेल भन्दै धेरै टिका टिप्पर्णी भइरहेको छ। तर, विना बेलको खेल खेलाउन आइसिसीको नियममा वैधानिक मानिन्छ। पहिलो दिनको खेल बर्षाले प्रभावित भएको छ। टस जितेर पहिले ब्याटिङ रोजेको अष्ट्रेलियाले भारी वर्षा भएपछि मात्र ४४ ओभरको खेल खेलेको थियो।
खेल दौरान तिब्र गतिमा हावा पनि चलिरहेको थियो। जसका कारण बेल विकेटमाथी थामिरहेको थिएन्। बारम्बार विकेटमाथीबाट बेल झर्ने गरेकाले अम्पायरले विना बेलको खेल खेलाउने निर्णय गरेको जनाइएको छ।
विना बेलको खेलका लागि आइसिसीको नियम के छ?आइसिसीको नियम ८.५ का अनुसार अम्पायर्सले चाहेमा पिचमा हरेको विकेटमाथी विना बेलको खेल गराउन सक्ने छन्। आवस्यकता अनुसार बेललाई हटाउदै अम्पायरले खेल सुरु गर्न सक्ने उल्लेख छ। यदी स्थिती सामान्य भएमा अम्पायरले एक पटक फेरी बेलको प्रयोगका लागि आह्वान गर्न छक्ने छन्।
प्रकाशित: Dec 31, 2017| 18:23 आइतबार, पुस १६, २०७४