काठमाडौं- भारतमा जारी पाँचौ संस्करणको साफ यू-१५ च्याम्पियनसिपको उपाधिका लागि आज (शनिबार) नेपाल र भारत भिड्दै छन् । खेल नेपाली समय अनुसार दिउँसो ३:१५ बजे सुरु हुने छ ।
नेपाल भारताविरुद्ध लिगमा भोगेको हारको बदला लिन चाहन्छ । जहाँ भारतलाई पराजित गर्दै उपाधि जित्न चाहन्छ । यतिमात्र हैन अघिल्लो दुई पटक फाइनल पुग्दा नेपाल भारतसँगै नै पराजित हुँदै उपाधिबाट बन्चित भएको थियो । नेपाललाई आज त्यसको पनि बदला लिदै इतिास रच्ने अवसर छ ।
तर, बलियो भारतलाई उसैको मैदानमा रोक्न नेपाललाई कठिन हुनेछ । भारत प्रतियोगितामा शतप्रतिशत जित निकाल्ने एक्लो टिम हो । यसअघि सन् २०१३ र २०१७ मा भारतले उपाधि जित्दा फाइनलमा नेपाललाई पराजित गरेको थियो ।
प्रतियोगिताको उद्घाटन खेलमा नेपाल भारतसँग ५-० गोल अन्तरले पराजित हुँदै प्रतियोगिताको सुरुवात गरेको थियो । त्यसपछि भने नेपालले लगातार तीन खेलमा जित हात पार्यो । दोस्रो खेलमा श्रीलंकालाई २-० गोलले पराजित गर्दा, तेस्रो खेलमा बंगलादेशलाई ४-१ र अन्तिम खेलमा भुटानलाई ६-० गोलले पराजति गर्दै फाइनलमा भारतसँगको भेट पक्का गरेको थियो ।
प्रकाशित: Dec 31, 2017| 18:23 आइतबार, पुस १६, २०७४