काठमाडौं - ललितपुरको नख्खु कारागार नजिकै रहेको एक होस्टेलबाट प्रहरीले २२ बालिकाको उद्धार गरेको छ। गैरकानुनी रुपमा विनादर्ता सञ्चालनमा रहेको सेफ होस्टेलबाट बालिकाहरुको उद्धार गरिएको हो। असहायका लागि भनेर विना दर्ता सञ्चालनमा रहेको होस्टेलका बालिकाहरुलाई मापदण्ड विपरीत राखिएको उजुरीपछि उक्त होस्टेलमा प्रहरी, सीआइबी र बालबालिका खोजतलास केन्द्रले संयुक्त रुपमा बिहीबार छापा मारेको हो।
उद्धार गरिएका बालिकाहरुमध्ये ४ जना भारतीयसमेत रहेका महानगरीय प्रहरी परिसर ललितपुरका डीएसपी सन्तोष तामाङले जानकारी दिए। प्रहरीले होस्टेल सञ्चालक मोरङ लोडारीकी गोमा लिम्बुलाई नियन्त्रणमा लिई अनुसन्धान सुरु गरेको छ।
प्रकाशित: Dec 31, 2017| 18:23 आइतबार, पुस १६, २०७४