काठमाडौं- एसीसी यू-१९ एसिया कप क्रिकेटको तयारीमका लागि श्रीलंकामा रहेको नेपाली यू(१९ क्रिकेट टिमले आज (बिहिबार) दोस्रो अभ्यास खेल खेल्ने भएको छ ।
नेपालली टोलीले अभ्यास खेल श्रीलंकाको फस्ट क्लास क्रिकेट क्लब बादुरेलियासँग खेल्दै छ ।
पहिलो अभ्यास खेलमा नेपाल सङहलेस क्रिकेट क्लबको यू-२३ टिमसँग ३ विकेटले पराजित भएको थियो । नेपालले एसीसी यू-१९ एसिया कप क्रिकेटको तयारिस्वरुप अन्तिम अभ्यास खेलमा चिल मारियन्ससँग खेल्नेछ ।
भदौ १९ देखि २८ गतेसम्म हुने एसीसी यू-१९ एसिया कप क्रिकेटमा नेपालले आयोजक श्रीलंकासँग खेल्दै प्रतियोगिताको सुरुवात गर्नेछ । समूह ‘बी’ मा रहेको नेपालले श्रीलंकासँग भदौ २० गते खेल्नेछ ।
त्यस्तै भदौ २२ गते बंगलादेश दोस्रो खेल र भदौ २४ गते युएईसँग समूहको अन्तिम खेल खेल्नेछ । अर्को समूहमा भारत, पाकिस्तान, अफगानिस्तान र कुवेत रहेका छन् । समूहको शीर्ष दुई टोलीले सेमिफाइनलमा स्थान बनाउने छन् ।
प्रकाशित: Dec 31, 2017| 18:23 आइतबार, पुस १६, २०७४