काठमाडौं- प्रधानमन्त्री केपी शर्मा ओलीको स्वास्थ्य अवस्थाका विषमया विभिन्न खाले टिका टिप्पणी भइरहदा उनले आफू अझै १५ वर्ष बाँच्ने बताएका छन् ।
गृहमन्त्रालयले आयोजना गरेको कार्यक्रममा प्रधानमन्त्री ओलीले भने- ‘केहीले मरिहालोस् भनेका छन् तर अझै म १५ वर्ष बाँच्छु।
उनले कार्यक्रममा आफूलाई केहि नहुने दाबी गर्दै अर्को चुनावमा आफ्नो अस्तित्व रक्षाका लागि तयार भएर बस्न समेत विपक्षीहरुलाई चुनौति दिए । प्रधानमन्त्री ओलीले आफूलाई नयाँ रोग लागेको नभई पुरानै समस्याको उपचार गराउन खोजिएको जानकारी दिए ।
उनले भने– अहिले म बिरामी होइन, १५ वर्षअघि बिरामी भएको हुँ।’ भोलि उपचारका लागि सिंगापुर जाँदैछु। प्रधानमन्त्री ओली भोलि बिहीबार उपचारका लागि पुनः सिंगापुर जाँने कार्यतालिका तय गरिएको छ ।
नौ दिनसम्म सिंगापुरको नेसनल युनिभर्सिटी अस्पतालमा उपचार गरेर फर्किएको १० दिनपछि बिहीबार उनी त्यसतर्फ जान लागेका हुन् ।
यसअघि १८ साउनमा सिंगापुर गएका प्रधानमन्त्री २७ साउनमा फर्किएका थिए । एक हप्ताका लागि गएका उनको बसाइ उपचारकै कारण केही दिन लम्बिएको थियो ।
यसपटकको सिंगापुरमा प्रधानमन्त्रीको ‘प्लाज्मा फेरेसिस’ गर्ने तयारी गरिएको छ भने आवश्यक परे मिर्गौला प्रत्यारोपण गर्नेसम्मको योजना बनेको स्रोतले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४