सेनिटाइजर पिएका एक जनाको मृत्यु

धनगढी- धनगढीमा सेनिटाइजर पिएका एक जनाको ज्यान गएको छ। ज्यान गुमाउनेमा धनगढी उपमहानगरपालिका-१२ का टीकाराम बराइली रहेको प्रहरीले जनाएको छ।  भदौ ९ गते सेनिटाइजर पिएका बराइलीको उपचारका क्रममा शुक्रबार मृत्यु भएको हो।

जिल्ला प्रहरी कार्यालय कैलालीका अनुसार सेनिटाइजर पिएका बराइली स्वास्थ्यमा समस्या देखिएपछि शुक्रबार जुगेडाकै स्थानीय मेडिकलमा गएका थिए।

त्यहाँ उनलाई स्लाइन चढाइएको थियो। समान्य उपचारपछि घर फर्किएका उनको स्वास्थ्य थप गम्भीर भएपछि राति नै धनगढीकै निसर्ग अस्पताल लगिएोमा त्यहाँ उनको उपचारका क्रममा मृत्यु हो। प्रहरीका अनुसार उनले सेनिटाइजर किन पिए भन्ने खुल्न सकेको छैन।