काठमाडौं- मुलुकका पश्चिमी तथा मध्य भूभागका एक–दुई ठाउँमा आगामी दुई दिन भारी वर्षा हुने जल तथा मौसम विज्ञान विभागले जनाएको छ ।
महाशाखाले आफ्नो वेबसाइटमार्फत् वर्षाको प्रक्षेपण गरेको हो ।
वेवसाइटका अनुसार सोमबार र मंगलबार दिउँसो देशको पश्चिम तथा मध्य भूभागका एक–दुई स्थानमा भारी वर्षाको सम्भावना छ । बुधबार दिउँसो भने देशको पहाडी जिल्लामा वर्षाको सम्भावना रहेको महाशाखाको प्रक्षेपण छ ।
मनसुनको न्यून चापीय रेखा औसत स्थानको आसपास रहेको र भारतको उत्तर प्रदेश तथा हरियाना आसपासको न्यून चापीय प्रणाली कमजोर बन्दै गएकाले वर्षाको प्रक्षेपण गरिएको महाशाखाले जनाएको छ ।
यस्तो छ भदौ ४ गतेसम्मको मौसम पूर्वानुमान भदौ २ गते (सोमबार)दिउँसो : देशका धेरैजसो स्थानमा सामान्यतया बदली रही देशका पश्चिम र मध्यका केही स्थान र पूर्वका थोरै स्थानमा मेघ गर्जन र चट्याङसहित हल्कादेखि मध्यम वर्षा हुनेछ । देशको पश्चिम तथा मध्य भूभागका एक–दुई स्थानमा भारी वर्षाको सम्भावना छ ।
राती : देशका अधिकांश स्थानमा सामान्यतया बदली रही देशका केही स्थानमा हल्कादेखि मध्यम वर्षा हुनेछ । देशको मध्य र पश्चिमी भूभागको एक वा दुई स्थानमा भारी वर्षाको सम्भावना छ ।
भदौ ३ गते (मंगलबार)दिउँसो : देशभर सामान्यतया बदली रही मध्य र पश्चिमी क्षेत्रका केही स्थानमा तथा पूर्वको थोरै स्थानमा मेघ गर्जन र चट्याङसहित हल्कादेखि मध्यम वर्षा हुनेछ । देशको पश्चिमी तथा मध्य भूभागको एक–दुई स्थानमा भारी वर्षाको सम्भावना छ ।
राती : देशभर सामान्यतया बदली रही मध्य र पश्चिमी क्षेत्रका केही स्थानमा तथा पूर्वको थोरै स्थानमा मेघ गर्जन र चट्याङसहित हल्कादेखि मध्यम वर्षा हुनेछ । देशको पश्चिमी तथा मध्य भूभागको एक–दुई स्थानमा भारी वर्षाको सम्भावना छ ।
भदौ ४ गते (बुधबार)दिउँसो : देशका धेरैजसो स्थानमा सामान्यतया बदली रही केही स्थानमा मेघ गर्जन र चट्याङसहित हल्कादेखि मध्यम वर्षा हुनेछ । देशको पहाडी भूभागको एक–दुई स्थानमा भारी वर्षाको सम्भावना छ ।
राती : देशका धेरैजसो स्थानमा सामान्यतया बदली रही केही स्थानमा मेघ गर्जन र चट्याङसहित हल्कादेखि मध्यम वर्षा हुनेछ ।
प्रकाशित: Dec 31, 2017| 18:23 आइतबार, पुस १६, २०७४