काठमाडौं- शालिकराम पुडासैनीको मृत्यु प्रकरणमा जोडिएर पक्राउ परेका टेलिभिजनकर्मी रवि लामिछानेविरुद्ध किटानी जाहेरी परेको छ।
मृतक पत्रकार पुडासैनीकी श्रीमती सम्झना घिमिरेले लामिछाने विरुद्ध आइतबार किटानी जाहेरी दिएकी हुन्।
१३ दिने कर्म सकेर आइतबार विहान सम्झनाले लामिछाने, न्यूज २४ कै युवराज कँडेल र नर्स अस्मिता कार्की विरुद्ध आफ्नो श्रीमानलाई आत्महत्या गर्न दुरुत्साहन गरेको भन्दै मुलुकी अपराध संहिता अनुसार कारवाही गर्न माग गरेकी छन्।
उनले महानगरीय प्रहरी परिसर काठमाडौंमा उपस्थित भई परिसरमार्फत चितवन प्रहरीमा जोहरी दिएको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४