धनगढी - कञ्चनपुरमा एक युवती माथि सामूहिक बलात्कारको आरोप लागेका पाँचजनामध्ये दुई जना पक्राउ परेका छन्।
शुक्लाफाँटा नगरपालिका–९ नौखरीकी १७ वर्षीया युवतीमाथि गएको शुक्रबार सामूहिक बलात्कार गरेको आरोपमा शुक्लाफाँटा नगरपालिका–११ का १९ वर्षीय धिरेन्द्र थापा र सोही ठाउँकै भुपेश ऐरलाई प्रहरीले पक्राउ गरेको हो।
उनीहरुलाई ईलाका प्रहरी कार्यालय झलारीको टोलीले शनिबार पक्राउ गरेको प्रहरी निरीक्षक नैनसिंह साउदले जानकारी दिए। साउदका अनुसार आरोपितहरुले शुक्रबार राति युवतीलाई घरबाट बाहिर बोलाएर खोलाको किनारामा लगी बलात्कार गरेका थिए।
घटनामा पाँच जनाको संलग्नता रहेको अनुसन्धानबाट खुले पनि अन्य तीन जना भने फरार छन् । फरार आरोपीहरुको खोजी भइरहेको प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४