काठमाडौं - प्रधानमन्त्री केपी शर्मा ओलीले संघीय संसद्को प्रतिनिधिसभालाई आज सम्बोधन गर्ने भएका छन्। आइतबार ११ बजे बस्ने प्रतिनिधिसभा बैठकलाई प्रधानमन्त्री ओलीले सम्बोधन गर्ने प्रधानमन्त्रीका प्रेस संयोजक चेतन अधिकारीले जानकारी दिए।
सम्बोधनका क्रममा ओलीले सरकारमाथि उठाइएका प्रश्नको जवाफ दिने बताइएको छ। यसअघि युरोप भ्रमणपछि प्रधानमन्त्री ओलीले संसद्मा सम्बोधन गर्न खोज्दा प्रमुख प्रतिपक्षी दल नेपाली कांग्रेस र प्रतिपक्षी दल राष्ट्रिय जनता पार्टीले रोष्ट्रम घेराउ गरेका थिए। विपक्षीको अवरोधका कारण संसदमा बोल्न नपाएका प्रधानमन्त्रीले लगत्तै पत्रकार सम्मेलन गरेर आफ्नो धारणा सार्वजनिक गरेका थिए। प्रधानमन्त्री ओलीलले संसदमा आफ्नो स्वास्थ्य अवस्थाको बारेमा पनि जानकारी दिने बताइएको छ ।
प्रकाशित: Dec 31, 2017| 18:23 आइतबार, पुस १६, २०७४