जनकपुरधाम- असारको अन्तिम साता अबिरल वर्षापछि आएको बाढीबाट पीडित भएकाहरुलाई एक संस्थाले राहत प्रदान गरेको छ।
काठमाडौंस्थित छाया नेपाल नामक संस्थाले बुधबार जनकपुरमा राहत वितरण गरेको छ। संस्थाले जनकपुरधाम उपमहानगरपालिका–४ मा जलाइद नदीमा आएको बाढीबाट प्रभावित भएका दलितवस्तीमा राहत सामग्री वितरण गरेको हो।
छाया नेपाल संस्थाले बाढीबाट प्रभावित ६० घरधुरी दलित परिवारबीच राहत सामग्री वितरण गरेको संस्थाका अध्यक्ष कमल थापाले जानकारी दिए। थापाका अनुसार बाढीबाट प्रभावित त्यहाँका प्रत्येक परिवारलाई ५० किलो चामल, बाल्टी, मग, त्रिपाल, साबुनलगायतको सामग्री वितरण गरिएको छ।
बाढीले दिएको घाउमा राहत सामग्र्री वितरण गरेर थोरै भएपनि मलम लगाउने प्रयासस्वरुप काठमाडौंबाट जनकपुर पुगेका थापाले बताए। बाढीबाट गरिब तथा विपत्र परिवारहरु समस्यामा रहेको थाहा पाएर राहत वितरण गर्न आफूहरु आइपुगेको उनले बताए।
प्रकाशित: Dec 31, 2017| 18:23 आइतबार, पुस १६, २०७४