महोत्तरी- महोत्तरीको भंग्राहा नगरपालिका–८ का वडाध्यक्ष मोहम्मद रफिक आलम मंगलबार घूससहित रंगेहात पक्राउ परेका छन् ।
सेवाग्राहीसँग १ लाख ६० हजार रुपैयाँ घूस लिदैँ गरेको अवस्थामा अख्तियार दुरुपयोग अनुसन्धान आयोगको टोलीले उनलाई मंगलबार पक्राउ गरेको हो ।
सम्पन्न योजनाको रकम भुक्तानीका लागि सिफारिस गरेबापत उनले घूस लिएको अख्तियारले जनाएको छ ।
सोही प्रकरणमा संलग्न आशंकामा भंग्राहा–८ कै वडा सदस्य कारी साहलाई पनि पक्राउ गरिएको छ । दुवैलाई हिरासतमा राखी अनुसन्धान अघि बढाइएको अख्तियार जनाएको छ ।
प्रकाशित: Dec 31, 2017| 18:23 आइतबार, पुस १६, २०७४