इटहरी- लागुऔषध ब्राउन सुगरसहित सुनसरीको इटहरीबाट नेपाली सेनाका मेजर पक्राउ परेका छन् ।
नेपाली सेनाको पूर्वी पृतनामा कार्यरत मेजर अजित सिंहसहित दुई जनालाई आज लागुऔषध ब्राउनसुगरसहित पक्राउ गरिएको प्रहरीको लागुऔषध नियन्त्रण व्यूरोका प्रवक्ता प्रहरी उपरीक्षक कृष्ण प्रसाईंले जानकारी दिए ।
सिंहको साथबाट प्रहरीले डेढ ग्राम ब्राउन सुगर बरामत गरेको छ। शनिबार साँझ साढे ५ बजेको तिर पक्राउ परेका दुवैलाई थप कारवाहीका लागि इटहरीस्थित प्रहरी कार्यालयमा बुझाइएको उनले जानकारी दिए ।
घटनाको विषयमा थप अनुसन्धान भइरहेको प्रहरीले जनाएको छ । कैलाली घर भएका सिंह पूर्वी पृतना इटहरीमा कार्यरत थिए।
प्रकाशित: Dec 31, 2017| 18:23 आइतबार, पुस १६, २०७४