काठमाडौँ- लेखक तथा पत्रकार खेम थपलियालाई प्रहरीले काठमाडौँको पुतलीसडकबाट पक्राउ गरेको छ ।
नेत्रविक्रम चन्द नेतृत्वको नेपाल कम्युनिस्ट पार्टी (नेकपा) सम्बद्ध नेपाल जनसांस्कृतिक महासङ्घका महासचिव रहेका उनलाई शनिबार दिउँसो प्रहरीले पक्राउ गरेको हाे।
उनलाई शनिबार आफ्नै कोठाबाट शनिबार अपराह्न पक्राउ गरी थप अनुसन्धानका लागि महानगरीय प्रहरी परिसर काठमाडौँमा राखिएको प्रवक्ता प्रहरी नायब उपरीक्षक होविन्द्र बोगटीले जानकारी दिए।
चन्द समूहलाई विध्वंशकारी क्रियाकलापमा संलग्न रहेको भन्दै सरकारले गत फागुनदेखि उसका गतिविधिमा रोक लगाएको थियो ।
पछिल्लो समयमा चन्द समूहका उच्च नेतासहित झण्डै ६०० लाई प्रहरीले पक्राउ गरिसकेको छ भने कतिपय नेताहरुले समूह परित्यागको घोषणा गरेका छन् ।
यसैबीच प्रगतिशील लेखक सङ्घले शनिबारै एक विज्ञप्ति जारी गरी पक्राउ गरेको घटनाको भत्र्सना गरेको छ । जारी विज्ञप्तिमा वार्ता र संवादको माध्यमबाट राजनीतिकरूपमा समस्याको समाधान गर्नसमेत माग गरिएको छ ।
प्रकाशित: Dec 31, 2017| 18:23 आइतबार, पुस १६, २०७४