काठमाडौं- पाँच राष्ट्रहरुबीचको टी-२० अन्तर्राष्ट्रिय सिरिज क्रिकेटमा नेपालको पहिलो खेल हङकङसँग हुने भएको छ । ओमान क्रिकेट संघले आयोजन गर्न लागेको राष्ट्रबीचको टी-२० सिरिज अन्र्तगत नेपालले पहिलो खल हङ्कङसँग खेल्न लागेको हो ।
नेपालले हङकङसँगको पहिलो खेल असोज १९ गते खेल्नेछ । त्यस्तै दोस्रो खेल असोज २० गते नेदरल्याण्डसँग खेल्ने छ भने तेस्रो खेल असोज २२ गते आयरल्याण्डसँग र अन्तिम खेल असोज २३ गते आयोजक ओमानसँग खेल्ने छ ।
युएईमा आयोजना हुने आईसीसी टी-२० विश्वकपको ग्लोबल छनोट अघि ओमानले पाँच राष्ट्रबीचको सिरिज खेलाउन लागेको हो । नेपाल ग्लोबल छनोटमा नपुगे पनि ओमानले आमन्त्रण गरिसकेका कारणे सहभागिता जनाउन लागेको हो ।
असोज १८ देखि २३ सम्म चल्ने सिरिजमा नेपालसहित आयोजक ओमान, टेष्ट राष्ट्र आयरल्याण्ड, हङकङ र नेदरल्याण्डले प्रतिस्पर्धा गर्ने छन् ।
प्रकाशित: Dec 31, 2017| 18:23 आइतबार, पुस १६, २०७४