काठमाडौं– काठमाडौंको हलचोकमा ट्रकको ठक्करबाट एक मोटरसाइकल चालकको मृत्यु भएको छ। बा ७ प १३८१ नम्बरको ट्रकले बा ४५ प २७७४ नं को मोटरसाइकललाई ठक्कर दिँदा धादिङ्ग गजुरीका २१ वर्षीय सुमन मगरातीको मृत्यु भएको महानगरीय प्रहरी वृत स्वयंभुका प्रमुख डिएसपी लाल ध्वज सुवेदीले जानकारी दिए।
स्वयंभुबाट बालाजुतर्फ गइरहेको उक्त मोटरसाइकललाई सोहि दिशाबाट आएको ट्रकले ठक्कर दिँदा मगरातीको घटनास्थलमै मृत्यु भएको हो। ट्रकले कुल्चदा मगरातीको टाउको क्षतविक्षत भएको छ।
प्रहरीले ट्रक चालकलाई नियन्त्रणमा लिएको छ भने मृतकको शव पोष्टमार्टमका लागि त्रिवि शिक्षण अस्पताल लगिएको सुवेदीले जानकारी दिए।
प्रकाशित: Dec 31, 2017| 18:23 आइतबार, पुस १६, २०७४