संसद्को अवरोध हटाउन सभामुख सक्रिय 

काठमाडौं- अवरुद्ध प्रतिनिधिसभा संसद् बैठक सञ्चालन गर्न सभामुख कृष्णबहादुर महराले पहलकदमी थालेका छन् ।
 
यस क्रममा उनले डाकेको सर्वदलीय बैठक  केहीबेरमा बस्दै छ । प्रमुख प्रतिपक्षी कांग्रेस र राजपाले निरन्तर संसद् बैठक अवरुद्ध आएका छन् ।
 
सर्लाहीमा प्रहरीको गोलीबाट मारिएका सरोजनारायण सिंह र विप्लव समूहका नेता कुमार पौडेलेका घटना छानबिनका लागि संसदीय समिति गठन गर्नुपर्ने माग विपक्षीको छ । तर, सत्तारुढ दल संसदीय समिति गठन नगर्ने पक्षमा देखिएको छ।

यसैगरी विगत एक वर्षदेखि राजपाले मधेश थरुहट आन्दोलनको प्रतिवेदन सार्वजनिक गर्न माग गर्दै आएको छ।

प्रतिवेदन सार्वजनिक गर्ने विषयमा सभामुख कृष्णबहादुर महराले सरकारलाई तीन पटक रुलिङ गरिसकेका छन्। तर पनि सरकारले प्रतिवेदन सार्वजनिक नगरेको भन्दै राजपा आक्रोशित बनेको छ।