ललितपुर र कैलालीमा एनसेलको टावरमा आगजनी

काठमाडाैं- अज्ञात समुहले ललितपुर र कैलाली जिल्लाको एनसेलको टावरमा आगजनी गरेको छ । 

ललितपुरको कोञ्जोसोम गाउँपालिका शङखुमा रहेको एनसेलको टावरमा आगजनी र विष्फोटको प्रयास भएको हो ।

अज्ञात समुहले बुधबार राति टावरमा तोडफोड गर्नुका साथै आगजनी गरेको प्रहरीले जनाएको छ । 

टावर नजिकै बमजस्तै शंकास्पद वस्तु भेटिएपछि स्थानिय त्रसित बनेका छन् । त्यसलाई डिस्पोज गर्न नेपाली सेनाको टोली घटनास्थलमा पुगेको छ। 

यस्तै कैलालीको धनगढीमा रहेको एनसेल टावारमा पनि अज्ञात समुहले आगजनी गरेको छ। धनगढी उप–महानगरपालिको वडा नम्बर ६ जालीमा रहेको एनसेल टावारमा आगजनि गरिएको हो। 

प्रहरीका अनुसार बुधबार राती सवा १२ बजेको समयमा आगजनी भएको हो। गेटको ताला काटेर टावारमा आगजनी गरेको जिल्ला प्रहरी कार्यालय कैलालीका प्रवत्ता प्रहरी नायव उपरिक्षक दक्ष कुमार वस्नेतले बताए।

आगजनी बाट टावरका व्याट्रीहरु जलेका छन। विप्लव समुहले अगजनी गरेको आशंका गरिएपनि प्रहरीले भने पुष्टी गरेको छैन।