बार्यनलाई हराउदै टोटनहाम च्याम्पियन

एजेन्सी- इंग्लिस क्लब टोटनहामले जर्मन क्लब बार्यन म्युनिखलाई पराजित गर्दै च्याम्पियन बनेको छ । बुधबार राति भएको खेलमा बार्यनलाई सडनडेथमा पराजित गर्दै टोटेनहाम औडी कपको च्यामिपयन बनेको हो । 

निर्धारित समयको खेल २-२ को बराबरीमा सकिएपछि खेलको निर्णय पेनाल्टी सुटआउटमा पुगेको थियो । पेनाल्टी सुटआउटमा पनि दुबै टोलीले ४-४ गोल गरेपछि सडनडेथमा टोटनमाहले बार्यनलाई ६-५ ले पराजित गरेको हो । 

पहिलो सडनडेथमा दुबै टोली गोल गर्दा ५-५ को बराबरी भएको थियो । दोस्रो सडनडेथमा टोटनहामका लागि ाजाफेट ताङ्गाङ्गाले गोल गर्दा बार्यनका लागि जेरोमी बोअटेङ चुकेका थिए । 

यसअघि खेलमा सुरुवाती अग्रता भने टोटनहामले नै लिएको थियो । खेलको १९ औं मिनेटमा ईरिक लामेलाको गर्दै टोटेनहामले अग्रता लिएको थियो । पहिलो हाफमा १-० को अग्रता लिएको टोटनहामले दोस्रो हाफमा थप एक गोल गर्दै अग्रता दोब्बर पारेको थियो । 

खेलको ५९ औं मिनेटमा क्रिस्टियन एरिक्सनले गोल गर्दै टोटेनहमको अग्रता दोब्बर पारे । तर, टोटनहामले अग्रता जनोगाउन नसक्दा खेल पेनाल्टी सुटआउटमा पुगेको थियो । 

६१ औं मिनेटमा जान फिएद अर्पले गोल गर्दै बार्यनलाई खेलमा फर्काउए । ८१ औं मिनेटमा अल्फान्सो डेविसले गोल गर्दै खेल बराबरीमा ल्याएका थिए ।