काठमाडौं – बैंकिङ कसुर मुद्दामा फरार रहेका डेभाजु क्लबका अध्यक्ष मनोज श्रेष्ठ पक्राउ परेका छन्। उनलाई प्रहरीले त्रिभुवन अन्तर्राष्ट्रिय विमानस्थलबाट प्रहरीले पक्राउ गरेको हो।
उनलाई महानगरीय प्रहरी कार्यालय काठमाडौंको अनुरोधमा प्रहरीले गत माघ १५ गते इन्टरपोलबाट डिफ्युजन नोटिस जारी गरेको थियो।
श्रेष्ठलाई हङकङबाट नेपाल आउने क्रममा विमानस्थलबाट प्रहरीले नियन्त्रणमा लिएको हो। श्रेष्ठले दरवारमार्गमा रहेको डेभाजु लाउन्ज कम्पनी मर्मतका लागि साथि विश्वराम श्रेष्ठबाट दुई करोड रुपैयाँ सापटी लिएका थिए। तर रकम फिर्ता गर्दा चेक दिएको र सो चेक बाउन्स भएपछि पीडित श्रेष्ठले महानगरीय प्रहरी परिसरमा जाहेरी दिएका थिए।
गत पुस १३ गते पीडित श्रेष्ठले बैंकिङ कसुर अपराधमा परिसरमा जाहेरी दर्ता गराएको र श्रेष्ठलाई थप आवश्यक कारबाहीका लागि परिसर काठमाडौंको हिरासतमा राखिएको महानगरीय प्रहरी परिसरले जनाएको छ। उनलाई बैंकिङ कसुरविरुद्ध मुद्दा चलाइने प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४