काठमाडौं - आइसिसी टी–२० विश्वकप एसिया क्षेत्रीय छनोट अन्तर्गत नेपालले शनिबार आफ्नो तेस्रो खेल कुवेतसँग खेल्दै छ। शुक्रबार भएको सिंगापुर र मसियाबीचको खेलमा घरेलु टोली सिंगापुरले जित हात पारे पछि अब विश्वकप यात्रामा अघि बढ्ने नेपालको भाग्य नेपालकै हातमा छ। यसको अर्थ यो हो की नेपालले न त अंक गणितको हिसाब गर्नु पर्ने छ न त अन्य टोलीको नतिजामा भर पर्नु पर्ने नै छ।
छनोटका चार खेल मध्य दुई खेल खेलेको नेपालले अब दुबै खेल अर्को चरणमा स्थान बनाउन जित्नै पर्ने दबाब छ । कुनै पनि एक खेलमा नेपाल वर्षाका कारण अंक बाड्न बाध्य भएमा समेत नेपालको अर्को चरणको याात्रा समाप्त हुनेछ ।
त्यसका लागि नेपाललाई अबका दुबै खेल गर या मरको स्थितिमा छन् । यदी वर्षाका कारण कुवेतसँगको खेलमा अंक बाड्नु परे आफ्नो अन्तिम खेलमा नेट रन रेटमा सिंगापुरलाई पछि पार्नुपर्नेछ जुन असम्भव जसो छ। नेपालको नेट रन रेट ०.१२३ रहेको छ भने सिंगापुरको निकै माथि २.३३५ रहेको छ ।
नेपालले अबका दुबै खेल जिते अंक तालिकामा ६ अंक जोड्दै शीर्ष स्थानमा उक्लिएर ग्लोबल छनोटमा स्थान पक्का गर्ने छ । तर, नेपालले कुनै पनि एक खेल गुमाएमा नेपालको विश्वकप खेल्ने सपना अधुरै रहने छ ।
त्यसैले नेपालले शनिबारको खेल जित्न सके सिंगापुरसँगको अन्तिम खेल लिग नभई फाइनल खेल जस्तै हुने छ । किनभने नेपालले शनिबारको खेलमा कुवेतलाई पराजति गरे नेपालको अंक ४ पुग्ने छ । यतिबेला तीन खेल खेलेको सिंगापुरले ५ अंक जोड्दै शीर्ष स्थानमा छ ।
अब सिंगापुरले अन्तिम खेल नेपालसँग खेल्नु पर्ने छ । जहाँ नेपालले जित हात पारे सिंगापुर एक अंकले नेपाल भन्दा पछि पर्ने छ । यदी नेपालले कुवेतसँगको खेल गुमाएको सिंगापुर एक खेल अगावै ग्लोबल छनोटमा स्थान बनाउने छ।