धनकुटा– अविरल वर्षासँगै आएको पहिरोका कारण कोशी राजमार्गअन्तर्गत धरान–धनकुटा सडकखण्ड अवरुद्ध भएको छ ।
शुक्रबार बिहान करिब ४ बजे गएको पहिरोले सडक अवरुद्ध भएको जिल्ला ट्राफिक प्रहरी कार्यलय धनकुटाले जनाएको छ ।
बुधबार रातिदेखि परेको वर्षाका कारणले कोशी राजमार्गका १ दर्जनभन्दा बढी स्थानमा पहिरो खसेको छ । रुद्रबारी, गुठीटार, जिरोप्वाइन्ट लगायतका दर्जनौं स्थानमा पहिरो गएको प्रहरीले जनाएको छ । पहिरो पन्छाउन बिहानैबाट डोजर प्रयोग गरिएको छ ।
सडक अवरुद्ध हुँदा तेह्रथुम, धनकुटा, संखुवासभा, भोजपुरका लागि हिंडेका कयौं सवारीसाधन बाटोमा नै अलपत्र परेका छन् ।
प्रकाशित: Dec 31, 2017| 18:23 आइतबार, पुस १६, २०७४